Ultimamente
I álbari del parco soto casa
xe tuti spetenài dal vento forte:
a un se ga voltà tute le foje
dala parte de l'arzento,
ch'el par fatura de oreficeria
e n'altro rosso
se ga insenbrà col verde del vissìn
e nol se discatija pi', sta  nova spèce
de álbaro bicolore.
El mondo xe negà bonbo drento l'acqua
che 'a vien zo fissa co pirole de tempesta
e in volta la fa dani furibondi
drio le contrae pi basse, inzenociàe.
Nissun ga memoria
de un Lujo tanto mato e spasemà.
Par che 'a natura
conforme col matìo de nialtri umani
se rabalte anca ela ultimamente.
                                                           

 

Stème ben tuti.   

 

Maria  Antonia  Maso, mariaantoniamaso@gmail.com

 

 

Grèbani

                 Cussì sti grebani
                 xe inciavài su inte 'l core,testimoni
                 de stajòn rigoliose e de tenpeste,
                 de amori e delusiòn,
                 i resta là, strutura e palafita
                 che ne tien senpre su
                 insieme col celeste d'acque e monti
                 che corèa ne l'infansia beata
                 musica e sotofondo ai nostri sìghi
                 da sizìe inbriaghe vanti note.
                 Grèbani che no tradisse,
                 ossi dea nostra tèra,
                 ossi de l'anema che no more,
                 altare del Signore.
                                                           Maria Antonia Maso
P.s.Ringrazio vivamente chi mi ha risposto e a chi manifesta qualche curiosità anagrafica confesso che sono del '36, nata a Milano da genitori veneti. Stème ben!

 


           





Sgàpari e spuàci

                   I veci sgaparàva tra briscola e tresète,
                   i se delibaràva
                   senza pastilie e senza complimenti
                   e nissun catava  da dire
                   sora l'educassion, sora 'l bon ton.
                   I tosatèi sgaparava e spuaciàva
                   fazendo  'a gara del tiro pi' distante
                   in postassion soi albari e soe sponde
                   dea Brenta che
                   corendo via netàva tuto.
                   Donca  ghemo inparà dai noni
                   e po' zugando e dèsso basta
                   ricordarse e rifar l'esercissio
                   mirando al girotondo
                   de ladri e inconpetenti,
                   de disonesti e furbi contabàe,
                   tuti quei che s'e ingrassa
                   cofà tordi e porsèi coi nostri schèi,
                   che incontinenti i vive
                   sora 'e nostre spàe.


                                                  Saludi a tuti e stème ben.


                                                             Maria Antonia Maso



 

 

 

Sgàpari e spuàci

                   I veci sgaparàva tra briscola e tresète,
                   i se delibaràva
                   senza pastilie e senza complimenti
                   e nissun catava  da dire
                   sora l'educassion, sora 'l bon ton.
                   I tosatèi sgaparava e spuaciàva
                   fazendo  'a gara del tiro pi' distante
                   in postassion soi albari e soe sponde
                   dea Brenta che
                   corendo via netàva tuto.
                   Donca  ghemo inparà dai noni
                   e po' zugando e dèsso basta
                   ricordarse e rifar l'esercissio
                   mirando al girotondo
                   de ladri e inconpetenti,
                   de disonesti e furbi contabàe,
                   tuti quei che s'e ingrassa
                   cofà tordi e porsèi coi nostri schèi,
                   che incontinenti i vive
                   sora 'e nostre spàe.


                                                  Saludi a tuti e stème ben.


                                                             Maria Antonia Maso