E mi contracanbio co tuto el cuore “ bon nadale a ti e a tuti i amissi del mondo veneto” con la speranza che almanco quel che vien sia sempre meio de che ca xe passà. Ciao a tutiiiiiiiiiiiiiiiiiiiiiiiiiiiiiiiiiiiiiiiiiii!!!!!!!!!!!!!!!

Poeta F. Carlo Lorenzetto

 

NOCHE EN PARAISO       

 

Testo di :     F. Carlo Lorenzetto                            

Musica di:  Fernando Sterzi

Tempo di:  rumba beguine

 

Esta noche

bajo el cielo estrellado

muere un sueño encatado;

sueño de mi corazòn.

 

Y la luna

siempre emérita rufiana

hablarà por la mañana

de recuerdos del verano.

 

Inventaré

una noche hecha solo para mí

así seré

cada noche junto a ti.

¡siempre contigo!

 

Esta noche

Como estar en paraíso

Estos labios como fuego

! Yo jamás he de olvidar !

Anca mi te mando ‘na poesia scrita anni fa con on viva a tute le mame del mondo.

F. Carlo Lorenzetto

 

Mail: francocarlolorenzetto@alice.it

 

STANOTTE ONCORA

 

 

 

Come ogni sera,

stasera oncora,

da on cantonzin de cielo

i to oci varda drento i mii

e ’l to amore

come na rondena in volo, leziero,

se posa so la nià del me cuore,

intanto so la tela de la mente

i pensieri

scrive pagine de amore par ti.

 

In te la scudela del tramonto,

so na sbrufà de emozion

se smissia fior de desideri.

 

Voria sentir la to ozze

vegnar zo dal cielo

a inbonbegare el cuore

de chel profumo

che me fasea insoniare

sora na nugola de bonbaso

ciucciando dai sogni szucaro filà.

 

Ma intanto el cielo sa iluminà de luna,

so i me oci strachi se stua le stele…

ma son sicuro che

te sognarò stanote, oncora… Mama.

 

 

                RAISE              

               

 

 

 Le raise dea me tera

ca xe piantà tel cuore

no le pole morire.

 

Ma ’l ciacolar de foie co l’arieta dea sera

intorno casa mia, e’l zercolo* de luna

che spuntava da infondo la stradea

e i filò col parlar dea me zente

Jò lassà là al me paese par senpre.

 

In sta tera foresta

i sintiminti sogna l’oro del fromento,

               

l’ua de la me tera dolza come ’l miele

e le nià de stele che slusea

fra rami de piopiti striti

come dii in preghiera.

 

Penso a mi, toseto,

e a le longhe veie

dele sere frede incrostà de brume,

a le primavere fate de promesse

e a le istà calde carghe de speranze.

Penso e le ripenso

co l’anema strussià

dal mal de nostalgia.

CO LE ALE DE ICARO

 

 

Ormai s’à desfà le ilusion

in tel parolo de i me ani

e coi oci voltà al celo, intanto,

le note passa a contar le stel

Po, co canta i gai

de drio de la tendina rota

viene ’l sole a far l’oceto

la matina – on invito

a corare pai canpi - e mi

fajo vecio coasi seco, coà

so ‘na jornada garba

col soriso da salata ziapa

tel peagno dela vita.

I carnevai xe finii ormai

e robarghe giorni al tenpo

no se pole, intanto

i ossi se carola

la pele se descola

l’ arfio dela stria famà

ormai

se fa sentir sol colo.

De paura s‘a impregnà

anca ’l cuore

savendo de dover szolare

co le ale de Icaro

in chel viajo  circondà dal mistero

e la speranza e la fede,

senpre ultime a morire,

tacà al fil de ‘na preghiera

le speta … le spera ...