Maremoto Venessián
MAREMOTO VENESSIAN
Larghe boche d’informassion
dando colpe a la luna
ga desquerto el pignaton
del casin scopià in laguna.
Onde lunghe ga solevà
de masséte vergognose
dai politici intascà
gratando croste al Mose.
El Veneto se vergogna
de’i so nomi ecelenti
pescài co’ le man ne’a fogna
d’un gran giro de tangenti.
Vero che fa vegner rabia
tuto sto furo andasso,
per quanti vaga in gabia
mai far d’ogni erba un fasso.
Ansi sgrùpol garantista
sugeriria l’inocensa
fin che no se scopre pista
dei soldi mandà in licensa.
Artistica Venezia mia
sità d’Italia un vanto,
quei ladroni t’à ferìa
nel to sfarzoso incanto.
Cossa pensa la zoventù
cressùa a pan e nutela?
De serto no soporta più
chi roba publica minela.
Sti pòri tusi xe incassà
pa’l gran spreco de danaro
e del laòro i xe smonà,
deventà un mirajo raro.
Onori a le fiame zale,
ai furbi ga mocà le ale!
Ma un magon ne resta
da dover gratarse in testa.
Che paese ghe lassemo
ai nostri nevodeti,
se ai furfanti permetemo
ch’i ne svoda i casseti?
Vittorio Ingegneri – Rivista Quatro Ciácoe - vittorio.ingegneri@teletu.it
Cari amissimondoveneto da qualsiasi parte del mondo
Che ga caro lédare calcossa de veramente genuino
In dialeto rúspego, come che se parlava na volta!
Dialeto polesán e padován;
Del anbiente rústego e contadín,
Questa zé l´ocasión bona!
Parché Vittorio Ingegneri,
co le so 77 barete ga autorità da poderlo fare!
GRASSIE, BARBA!
´L nostro amigo Vittorio Ingegneri
Redatore dea Rivista QUATRO CIÁCOE dal 1983
Ga editá un tesoro de un vaeore straordinario.
Un tesoro de libro che ogni Biblioteca in Véneto dovaría vere.
Un libro che zé un tesoro par tute le scoe del Véneto,
Un tesoro che ogni círcoeo leterario, Pro Loco e Associassión Vénete
No dovaría far de manco de conóssare, lésare e anca divulgare!
Sia in Italia che in torno al mondo…
333 págine de storie e raconti
“so le traze de on modo de rajonare e de discórare dei nostri veci,
con domande, risposte e spiegazion tra el fiosso Lalo e ´l barba Nerio…!”
333 pagine de storie e raconti degni de éssare leti, come:
- Un pisnente fora s-ciapo
- El batifango
-Tulio de i stropacui, e tanti altri…
“ Figure cavá fora dal granaro de la memoria”, inte a prima parte!
333 pagine de nove storie e raconti, come inte a seconda parte:
- Strássino de frasche seche
- Se no passa la sumansa…
- Ingiurie d´angurie, e altri ratanti
“…sbiansi de civiltá contadina: usanse, tradissión e mestieri de un mondo sconparso!”
333 pagine de storie e raconti veri come tuti chealtri,
pieni de un saor che te assa in boca calcossa de vecio, ma bon, come:
- Giubileo in secula seculorum
- Maghi, stríe e lumére
- Da i garítoli su ´e bronze…
Tuti “ sgiansi de sagessa antica so la guantiera del vívare de ancó!”
inte a tersa parte!
Tute storie e raconti cussí curti, ma cussí curti
Da lédare tuto d´un fiá!
Un cofaneto de 333 pagine misturáe de vece fotografíe rancuráe qua e lá
Dai veci casseti squasi desmentegai inte e case mede abandonáe…
e… dulcis in fundo: un pressioso vocaboeario ( in ordine alfabético…)
NO SÓEO de paróe síngoe ma de vere e propie frasi ricorenti...
Frasi che par chi che no le saveva…
Basta sóeo impararle e… dopararle come che le zé!
Cari amissi tuti
Credemo veramente che sia un libro da no pérdare!
´L presso de 20 Euro pí el pícoeo contributo pae spese postai... zé quasi simbólico!
´L libro vae!... Vae tanto depí!
Tuti chi che zé interessái… prima che i se finisse:
podí scrívare diretamente a Vitorio Ingegneri:::::::::::::::::::::::::::::::::::::::::
áea Redassión de QUATRO CIÁCOE:::::::::::::::::::::::::::::::::::::::::::::::::::::::::
o pure anca a niantri: amissi-mondo-veneto@hotmail.it
Un abrasso e un strucón
E bon divertimento
In diaeto ruspegón!
Questa zé l´ocasión
Par na bona letura
Istrutiva e interessante
Dea nostra letteratura!
GRASSIE, BARBA!
Voría tanto ricopiare la presentassión fata dal Prof. Michele Cortellazzo,
fióeo del famoso Professore Manlio Cortellazzo,
par vere le paróe pí giuste e pí bee…
ma podí catarla da soi QUA
