Toni e la Marcolina i compra un caval insieme

 

Ghe ze ritorná i camperi de Lagoa Vermelha co na trupa de cavai e mule, tuti da domar e bem bischeri, par vender a i coloni.

-Bele bestie, ga dito la Marcolina, suito che le ga viste. Ne ndaria bem una de quele lá anca noaltri.

Te quela ghe zé riva anca el zio Toni el se vicina de la trupa.

-Ma varda quel caval rosso, che bel animal de sela. El me ndaria bem anca mi, adesso che me zé morto da vecio el mul negro. El va in contreghe a la Marcolina, so cugnada e el ghe dize:

-Saria che comprassino in sieme na bestia de quele lá. Co’n caval solo el basta par le due fameie.
-Bem, vedemo cossa che i domanda pa’l caval rosso!

-Dosento cunti de reis, ghe dise el campero. Zé el meio animale que go te a trupa. No’l gà nensun difeto e gnanca na barde, parche no le mai stà montà.

Ma, piande de quà la Marcolina che la zera vedova e co cinque pecenini da slevar e tira in do el zio Toni che zera scarso de soldi par via de la tempesta che ghe gà trato do la ua, el campero ghe ga sabassà el pressio par cento e cinquanta conti de reis.

-I zé ncora tanti soldi. Dize la Marcolina.

-Tanti, próprio, considera el zio Toni. Ma, ne ocore na bestia par ndar al molin e anca al paese par proveder.

-El problema le mansarlo, se ricorda la Marcolina. Quà in torno ghe solo i Marineli che mansa cavai. I zé careri e anca i trata le bestie malamentre. I zodia le massa Le. Le trata a stangade.

Nanetto che’l zera chieto e tuto scoltava sensa dir na parola, el fa due passi e el dize:

-Se lo compre, mi lo manso sensa darghe na scuriada, o tratarlo mal. Quando go laorà la co Matia Zanetti, o imparà co’l fiol de um negro schiavo mansar le bestie de montaria. El dizeva che se te trati bem na bestia, ela se fà mansa come on cagneto in puchi misi.

-Bem se te lo dizi e te si securo compremo el caval.

-Cossa catito ti cugnada? Dize el zio Tono.

-Se te si contento ti, contenta sarò anca mi.

Cossita Zé stà sara negòsio col campero.

El caval rosso zé stà spartio de a trupa e ligà te na naransara co la cavessa.

Nanetto gà ordenà:

-Nene de porti quà la mastela de lavarse i pie e te la impieni de àqua, parche se vede que la pora bestia la zé piena de sem. Dopo te vè in paiola e te porti quà, rento de on baldo meda quarta de milio in gran. Mi vão te a laora catar na carga de pasto verdo. Sta note stà quà ligà e domamatina scomissiemo la doma.

Via par la noten Nanetto zé levà su on diese volte veder se el caval l’era bem comodà e bem seguro. Le mede orete chel sarava ócio, el se insoniava che’l gaveva mansà el caval e lo montava tuto splendoroso come San Giorgio infrentava el dragon che molava fiame de fogo pa’l naso.

Te uno de quei insoni, el caval ga scramussà tanto, che’l se gà desmissía intera tea banda de a cama. El Nene zera sentà te quelaltra cama spaventà co i sighi e i salti de Nanetto.

Scrivi commento

Commenti: 0