El giorno vati de i morti, tuta la socetà ndata tel semitèrio, snetar in torno le tombe, pintarle e portar fiùri, parche el di drio ghe zera Le fusion.
Nanetto, brao come sempre stà, ndato anca lu giutar. Afinale, Pino e El nono Angelin, che i zera bel sepolidi là, i zera come fuse so pupa e so nono. El gà laorà co grande impegno e soratuto el gà ciacolà che mai.
Ma, le storie de morti le ghe gà sempre desgustà la vita. L’era na prosia che no ghe piaseva gnente, soratuto dopo de quela storia che vê la o bel contada del sepolimento del santolo Nani Falcade.
El zio Toni, che’l zera on bufon e savendo de a paùra de Naneto, El contava de quele storia de indrisar i cavei.
El gà conta a Nanetto, che, durante la note de i morti, le anime vegneva fora de onde le zera, par trovar i posti onde le stava de vive e, onde le zera state interade.
Tuta la gente, in quela note, almanco quele persone che gaveva on fià de giudìsio, le stava casa e insieme co la fameia le dizeva su el rosário, i deprafundi, le tanie etecetera.
Ma, come sempre ghe ze quel che no crede in te queste storie, el mete el naso onde no ocore.
El zio Toni la contava e, co’n canton de ócio, el tendea la reassion de Nanetto. Qundo el a visto el momento giusto el dize:
-Na volta, a tanti ani, quanto te zeri ncora in pansa de to mama in Itália, gaveino on vicino che se ciamava Luigi. Bem, che’l matussel el gà cetà na desfida co nantro vicino de que lu, te la note de i morti, el ndava a filò e el passava davanti el semitero.
Dito e fato. Quando el tornava del filò, la note zera scura. Tel passar davanti el portel del campo santo, el vede, via par sora la taipeta on ciareto, justo insima el monte de grama da da puchi giorni segada par limpar el semitero.
Drio man, el ga sentio on bacan, come fusse stà qualcun che gavesse saltà fora par sora la taipa. Suito drio, l’a sentio che calcossa o calcun el caminava insieme, incostandose te na gamba. La paùra zera tanta che ghe mancava fin el fia e el cuore, par poco no ghe santava fora par la boca.
Lo ga compagnà cossita scuasi fin casa. Quando, però là passa el poetel del cortivo, El gà descobrio che chi ghe russava la gambá zera el cagneto. Alora l’a sentio on solievo tanto grando, come’l fusse desmissià de on bruto insonio. Ma, deromai la gaveva fata in braghe, dura come l’aqua.
Vedendo che Nanetto gà capio in finale che zera solo na storia, ma, possivole de eser de verità, El se a messo rider.
Nanetto par fine, quando ghe zé ritornà la oze, el ghe dize a Toni:
-El filò che ghemo combina par sta será, le meio che lo assemo par natro di. Me son ricordà che sta sera me toca giutarghe a la nona Pina far paie.
Scrivi commento